Warning: count(): Parameter must be an array or an object that implements Countable in /homepages/44/d93618075/htdocs/www.sabangDisciples.org/wp-includes/post-template.php on line 284

Piliin ang Tamang Mantika

sa Inyong Pang Araw-Araw na Pagluluto

Written by Ma. Idelia G. Glorioso, NCS-RUMD

Nangangamba ba kayong gumamit ng mantika sa inyong pang araw-araw ng pagkain o di kaya ay kumain ng mga pagkaing mayaman sa mga ito dahil sa tumataas na prevalence ng hypertension sa Pilipinas? Ayon sa pinakahuling National Nutrition Health Survey (NNHeS) na isinagawa ng Food and Nutrition Research Institute-Department of Science and Technology (FNRI-DOST) noong 2003-2004, ang prevalence ng hypertension o pagtaas ng dugo ay 22.5%. Ang ibig sabihin nito ay 22 sa bawat 100 Filipino adults ay hypertensive.

Suriin nating mabuti kung mahalaga ba sa ating katawan ang mantika. Ang mantika ay pangunahing pinagkukunan ng lakas o ang tinatawag nating concentrated source of energy. Ang bawat isang gramo nito ay nakapagbibigay ng 9 calories o kaloriya. Nakatutulong din ito upang magamit ng maayos ng ating katawan ang mga bitamina A, D, E, K o ang tinatawag nating fat-soluble vitamins. Bukod dito, ang ating pagkain ay nagkakaroon ng masarap na lasa o flavor kapag niluto sa mantika. Ito rin ay nagdudulot ng kabusugan o satiety value. Mas tumatagal din ito sa ating tiyan kaysa sa karbohydrat o protina.

Huwag kayong mag-alala na isama sa inyong pang-araw-araw na pagkain ang mantika. Ang mahalaga ay alamin ninyo kung anong uri ng mga ito ang nakasasama o nakabubuti sa inyong katawan. Ang dapat gawin ay piliin kung alin ba ang dapat isama kapag nagpaplano ng pagkain. Narito ang listahan ng mga uri ng mantika upang magkaroon kayo ng ideya kung alin ang dapat isama o hindi sa inyong diet:

SATURATED FATS – ito ay matatagpuan sa karne, manok, balat ng manok, butter, lard, cream o krema, gatas at ang mga produkto nito, niyog, langis ng niyog at palm kernel oil. Limitahan ang pagkunsumo ng mga nabanggit na pagkain sapagkat ito ay nakapagpapataas ng cholesterol. Ang langis ng niyog ay kasama sa mga tinatawag na saturated fats ngunit ito ay binubuo ng tinatawag na medium-chain fatty acids (MCFA) o medium-chain triglycerides (MCT). Ang mga ito ay kakaiba kaysa sa long chain fatty acids (LCFA) sapagkat ang MCFA ay walang masamang epekto sa cholesterol at tumutulong din upang maiwasan ang pagkakaroon ng sakit sa puso. Maaaring ang MCFA na taglay ng langis ng niyog ang dahilan kung bakit ito ay mabuti at naiiba sa ibang mga saturated fats.

POLYUNSATURATED FATS – kasama dito ang corn, soybean, sunflower at safflower oils. Ang mga langis na ito ay tumutulong upang mapababa ang total at low density lipoprotein (LDL) cholesterol at pataasin ang high density lipoprotein (HDL) cholesterol levels.

MONOUNSATURATED FATS -kasama dito ang rapeseed at olive oil. Ang mga langis na ito ay tumutulong upang mapababa ang total at LDL cholesterol. Pinapanatili nito ang HDL cholesterol levels.

Tandaan, para sa malusog na puso:

(1) Kumain ng katamtamang dami ng unsaturated fats and oils.
(2) Ang cholesterol ay matatagpuan lamang sa animal foods; ang vegetable oils ay hindi nagtataglay ng cholesterol